 |  |
‘4TH CAPPING & LAMP LIGHTING CEREMONY’ HMAN A NI
Thingdawl Dated 30th March 2023: Vawiin khan School of Nursing, Thingdawl, Kolasib chuan nurse zirlaite thutiam lakna hun,’4th Capping & Lamp Lighting Ceremony’ a hmang a. Pi Lalduhsaki, Registrar, Mizoram Nursing Council chuan hun min hmanpuiin Dr. Lalawmpuia Chhangte, Chief Medical Officer, Pu Hmingthanzuala, DIPRO, District Hospital, Kolasiba thawktute leh tlawmngai pawl hrang hrang leh khawtlang hruaitute pawh an tel a ni.
Pi Lalduhsaki, Registrar, Mizoram Nursing Council chuan School of Nursing, Thingdawl chu thawktute leh zirlaite inpekna avangin Mizoram pum ang pawh a result chhuanawm tak nei thin an nih thu sawiin Nursing school-in hma a sawn zel theih nana Sawrkar hmalakna thlawp tur a khawtlang leh tlawmngai pawl hrang hrang inpekna chu fakawm a tih thu a sawi. Nurse hna chu mahni mihringpui te tan a rawngbawl tur a inpekna thuk tak nen a thawh ngai a nih avangin tlawmna nun neih a pawimawh thu Pi lalduhsaki chuan a sawi a. Tanpui ngai, dam lote tan a beiseina petu an nih avangin khawvel a hna pawimawh ber te zing ami a nih thu a sawi.
Vawiin hian zirlai 40-te tan Capping & Lamp Lighting Ceremony hi neih a ni a, Batch tin ah zirlai 20 zel awmin tun ah hian zirlai 60 an awm mek a ni.
4th Capping & lamp Lighting Ceremony neih ah hian Pi R.Lalremmawii, Tutor in kalkhawmte lawmna thu a sawi a, zirlaite atangin zai leh lam te entir niin Nl Dengsangluri, Tutor in lawmthu sawina hun a hmang bawk a ni.
